في 2011 كانت أول مرة اخش السينما و كان فيلم اكس لارج و القاعة كلها مليانة و مع ذلك الناس كلها ساكتة و مركزة في الفيلم انهاردة في 2026 في أول يوم عرض لفيلم حدوتة اغلب القاعة لسه مليانة و الناس لسه ساكتة و مركزة في الفيلمبس ياترى هى دي عودة احمد حلمي فعلاً؟بنسبة كبيرة اه مش بنفس الطاقة مش بنفس الروح بس لسه احمد حلمي لسه قادر يعمل فيلم كامل منغير سنيد و بيعمل الايفيه من الي حواليه لسه قادر يضحكك بالسخرية من كلام الي قدامه قصة الفيلم مش عبقرية بس هى حلوة و ممتعة تحب تشوفها محدش من الممثلين كان تقيل على القلب طول الفيلم حتى أمينة خليل كل الكاست قدم المطلوب زي افلام احمد حلمي القديمة الي بيبقى طاغي طول الفيلم على الي حواليه و مش بسبب الكتابة أو القصة بسبب إنه احمد حلمي 100% الفيلم ده احسن من صنع في مصر و لف و دوران و خيال مأتة و واحد تاني و احسن من على جثتي بفرق كويس اكيد كان في ايفيهات مسمعتش صوت ضحكة واحدة عليها في السينما بس كان في ايفيهات كتير خلت كل الي قاعدين يضحكوا افلام احمد حلمي حتى الي مش حلوين بتبقى من احسن التجارب في السينما على مستوى الناس الي حواليك و احترامهم لأنك بتشوف فيلم مش عايز اسمع حاجة غيره مستني أضعف خلقه و متحمس للي احمد حلمي ناوي يقدمه الفترة الجاية حدوتة يستحق يتشاف في السينما منغير اي شك في إنك هتخرج مبسوط شكرا احمد حلمي
